Gana bai Gol ku UTSKòrsou, 7 di yüni 2010 – UTS den su afan pa sigui brinda tur su fiel klientenan e mihó servisio, tarifanan, kobertura i ofertanan ta introdusí un kampaña nobo, GANA BAI GOL KU UTS. Klientenan di Kòrsou i Boneiru por kumpra òf apliká pa produkto i servisionan di UTS, yena lòt i risibí e chèns di gana premionan fabuloso tur siman i tambe un bala di futbòl, size original, di UTS.UTS a pone tur siman tres tremendo premio disponibel pa e kampaña aki. E promé premio ta 1000 florin kèsh, segundo premio ta un Acer Aspire One Netbook i terser premio ta un Samsung Home Theater System (HT Z320). Pa partisipá ku UTS na e tremendo kampaña aki ta fásil. Durante un luna largu, kuminsando for di djaluna 7 di yüni 2010 te ku 8 di yüli 2010, tur kliente ta risibí un òf un sierto kantidat di lòt kumprando òf aplikando pa un di e siguiente produkto òf servisionan di UTS: • Telefòn fiho pre- òf postpago • Chippie • UTS OneNet • TDS Pa ta mas spesífiko, por ehèmpel tambe konekshon di liña fiho pre- òf postpago, kompra di e paketenan di liña fiho pa papia bai gol, paketenan di Chippie pre- i postpago inkluso BlackBerry, Chippie Club, UTS OneNet i tambe upgrade, 3G, instalashon di TDS òf agregando un pakete di kanal. Na kompra òf aplikashon pa sierto di e produkto òf servisonan aki, klientenan lo risibí tambe un bunita bala di futbòl di UTS. Pago di fakturanan si ta ekskluí den e kampaña aki. Lòtnan ta disponibel na tur UTS Storenan i tambe tur ‘Authorized Distributor di UTS i klientenan por yena e lòtnan aki mesora i tira nan den e tómbola den un di e lugánan aki. Tur djaluna, kuminsando 14 di yüni 2010, UTS lo saka tres ganadó for di un tómbola grandi i nan lo wòrdu yamá dor di UTS pa nan pasa reklamá nan premio na ofisina di UTS Rigelweg i esnan di Boneiru na Kaya Grandi 52. Mester presentá si ku un identifikashon bálido (sea sédula, reibeweis òf pasport). Kòrda eksigí bo lòt pa bo tambe risibí e chèns di partisipá den e kampaña aki, p’asina bo gana un di e premionan fabuloso aki. Si ainda bo no tin un di e produkto òf servisionan aki di UTS, pasa awe mes na un di nos UTS Storenan òf Authorized Distributor pa bo no keda afó! Kopia di tèrmino i kondishonnan di e kampaña aki ta optenibel na tur UTS Store i riba www.uts.an i pa mas informashon por yama na 9221. Di e forma aki, UTS ta keda brinda komunidat di Kòrsou i Boneiru tremendo kampañanan pa bo por keda den bon komunikashon i alabes gana tremendo premionan!
|
