CHIPPIE TA E PROMÉ OPERADOR EKSKLUSIVO DEN KARIBE KU TA OFRESÉ
TELEFÒN ‘NEXUS ONE BY GOOGLE’

I ALABES BO POR RISIBÍ KARCHI ENTRADA GRÁTIS PA E KONSIERTO DI UB40’S ALI CAMPBELL

Kòrsou, 15 di mart 2010 – Chippie, den kuadro di su ‘Look & Feel’ nobo, ta sumamente orguyoso di por ofresé e telefòn tan famoso i tan gustá ‘Nexus One’ komo e promé operador eksklusivo den henter Karibe. Pa selebrá esaki tambe, Chippie, komo un di e patrosinadònan prinsipal di e konsierto di UB40’s Ali Campbell, ta regalá tur kliente ku apliká pa kualke pakete postpago di e telefon nobo aki, 1 karchi di entrada kompletamente grátis pa e konsierto di UB40’s Ali Campbell.

Chippie, den su estilo nobo, huntu ku su lema nobo ‘Do it with Chippie’ ta e promé i úniko operador den Karibe pa ofresé e último modèl di telefòn ku Google a saka, e ‘Nexus One’. E telefòn aki ku tur hende tabata spera, ta wòrdu ofresé den kombinashon ku paketenan postpago masha atraktivo mes. Chippie tin e mihó paketenan postpago, kuminsando for di Ang. 20,- pa luna, ku ta baha gastunan di klientenan i ta ofresé tarifanan atraktivo i simpel pa un i tur su saku. Ku e paketenan postpago aki di Chippie klientenan ta:
• hasi yamadanan grátis pa Chippieland, liña fiho i otro operadornan di telefon mobil;
• hasi yamada grátis pa Hulanda (fiho) i Merka (fiho);
• paga un tarifa fiho pa luna;
• haña e promé luna di suskripshon grátis;
• risibí Fun Miles;
• i muchu mas.

Huntu ku tur esaki, Chippie, komo un di e patrosinadònan prinsipal di e gran konsierto UB40’s Ali Campbell, ta regalá tur kliente di Kòrsou i Boneiru, 1 karchi di entrada pa e konsierto aki kompletamente grátis, na momentu ku nan apliká pa kualke pakete postpago di e ‘Nexus One’ aki. Si, asina fásil klientenan por bai e konsierto di UB40’s Ali Campbell.

Klientenan por pasa i apliká for di djaluna 15 di mart pa nan pakete di Chippie postpago ‘Nexus One’ na kualke UTS Store na Kòrsou i tambe esun na Boneiru i risibí 1 karchi di entrada kompletamente grátis pa e konsierto di UB40’s Ali Campbell. Kòrda si ku e kantidat di tantu e telefòn ‘Nexus One’ komo e karchinan di entrada pa e konsierto di UB40’s Ali Campbell ta limitá, pues ta tanten tin na stòk.

Keda pendiente pa mas inovashon, oferta i kampañanan ku Chippie lo bini kuné pa su fiel klientenan di Kòrsou i Boneiru.