CHIPPIE, AWOR DEN UN ESTILO NOBO KU LEMA NOBO ‘DO IT WITH CHIPPIE’

Kòrsou, 8 di mart 2010 – UTS ta presentá un Chippie ku un "look and feel" nobo ku un aspekto nobo, fresku, dinámiko i diferente, i un manera di komuniká diferente. Huntu ku esaki Chippie ta introdusí un lema nobo tambe, pa indiká un Chippie nobo ku awor ta brinda servisionan nobo pa mas satisfakshon i benefisio di klientenan.

‘Do it with Chippie’, ta e lema nobo, pasó simplemente bo ta hasi tur kos ku bo Chippie, ku ta brindabo oportunidatnan pa fasilitá bo bida tur dia. Ku bo Chippie bo ta komuniká, keda den kontakto ku bo sernan kerí, manda SMS, subi internèt, download ringtones i rekargá na diferente manera, entre otro via UTIL i usando Fun Miles.

Den kuadro di e ‘look and feel’ nobo aki huntu ku e lema nobo, Chippie ta introdusí tambe un diseño nobo pa karchinan di rekargo, billboardnan kantu di kaminda, estilo nobo di propaganda den korant i revista i tambe un kampaña nobo di promoshon via bùs i taksinan. Huntu ku tur esaki Chippie ta lansa su kampaña ku enfoke riba SMS ku yama ‘Safe Text’. E kampaña nobo aki ta ser presentá den un manera nobo i fresku, pa medio di un dòkter i zùster ku ta trese e mensahenan di e kampaña, produkto i servisio nobo ku Chippie ta ofresé.

Chippie pa medio di su kampaña ‘Safe Text’ ta ofresé klientenan aun mas bentaha hasiendo uso di SMS. For di djamars 9 di mart te ku djadumingu 21 di mart, klientenan por manda SMS kompletamente grátis di Chippie pa Chippie durante 24 ora largu, na momentu ku nan rekargá nan Chippie ku por lo ménos Ang. 10,-.

Pues, atrobe ta konfirmá ku ta bo Chippie bo mester tin pa bo por disfrutá di tur bentahanan, bon kobertura, tarifanan, ofertanan, speshalnan, etc ku Chippie só tin pa ofresébu.

Keda pendiente pa mas inovashon i kampañanan ku Chippie lo bini kuné pa su fiel klientenan.