KAMPAÑA DI FIN DI AÑA DI CHIPPIE

REKARGÁ, RASPA I GANA KU CHIPPIE...125.000 FLORIN NA PREMIO!

Kòrsou, 7 di desèmber 2009 – Chippie a lansa su tremendo kampaña pa fin di aña, ‘Rekargá, raspa i gana’ kaminda klientenan Chippie prepago i di Kòrsou i Boneiru por gana premio instantanio tur dia.

Chippie a pone mas ku 125.000 florin na premio instantáneo disponibel pa e kampaña di fin di aña aki: telefònnan selular, krédito na yamada, iPod, premionan kèsh, tíketnan di biahe, microwave, Nintendi Wii, LED TV, Net Book, Weekend Stay. I pa chèri riba e bolo, e premio gordo ta un OUTO NOBO NOBO, un KIA CERATO KOUP 2010!! Pues un diversidat grandi di premionan fabuloso.

Pa partisipá pa por gana premio instantáneo tur dia ta masha fásil. Ora ku klientenan kumpra nan karchi di rekargo (5, 10 òf 25 florin) den luna di desèmber 2009 i yanüari 2010, lo tin un parti èkstra riba e karchi pa raspa. Pues klientenan mester raspa e parti èkstra aki, pa mira si nan a gana premio mesora. E karchinan spesial aki, aparte di na tur e UTS Storenena, a wòrdu distribuí rònt Kòrsou for di siman pasá djabièrnè.

Durante e periodo di kampaña aki, Chippie lo rifa 1000 florin kèsh tur siman bou di klientenan postpago Kòrsou i Boneiru!

Chippie semper a ofresé diferente manera pa klientenan por rekargá nan Chippie pa hasi kada un di su klientenan su bida mas fásil. Por ehèmpel entre otro via ÚTIL, bankomátiko òf ‘online banking’. Pero pa e kampaña grandi aki pa fin di aña, ta nesesario pa bo rekargá bo Chippie via e sistema di karchi ku ta konsistí di e parti èkstra pa bo raspa. Asin’aki ABO por bira doño di un di e hopi premionan fabuloso aki inkluso un KIA CERATO KOUP 2010.

E kampaña aki ta bálido durante luna di desèmber 2009 i yanüari 2010 pa klientenan di Chippie prepago Kòrsou i Boneiru. Ganadónan por reklamá nan premio te ku 31 di mart 2010. Klientenan Chippie prepago Kòrsou ku gana un premio instantáneo, mester akudí na ofisina di UTS na Rigelweg i esnan di Boneiru na Kaya Grandi 52 di djaluna pa djabièrnè entre 4’or pa 5’or di atardi pa reklamá nan premio. Mester presentá si ku e karchi uzá i legítimo di rekargo di Chippie ku kual a gana e premio instantáneo i tambe un identifikashon bálido (sea sédula, reibeweis òf pasport).

Si ainda bo no tin bo Chippie, pasa na un di nos UTS Storenan awe mes i kumpra bo Chippie pa bo no keda afó! Ta ku bo Chippie so, aparte di e mihó servisio, tarifanan, kobertura i ofertanan, bo por gana premionan fabuloso manera entre otro esun gordo, un KIA CERATO KOUP 2010.

Pa tèrmino i kondishonnan i mas informashon di e kampaña aki por akudí na www.uts.an òf por yama na 9221 òf por yama grátis ku bo Chippie na 9956.