GANA KU CHIPPIE DEN E GAMESHOW
‘P’AMI ÒF P’ABO?’ DEN LUNA DI YÃœNI

Kòrsou, 2 di yüni 2009 – Pa luna di yüni, UTS ta brinda tur su fiel klientenan di Kòrsou i Boneiru e posibilidat pa gana sèn kèsh òf un KIA den e tremendo gameshow nobo di TeleCuraçao ‘P’ami òf P’abo?’.

Meskos ku durante e kampañanan anterior di TeleCuraçao, klientenan di UTS por risibí e chèns pa partisipá kada luna riba un manera diferente, debí na e variedat grandi di UTS su servisio òf produktonan riba tereno di telekomunikashon. Pa e luna aki, klientenan di Chippie prepago Korsou i Boneiru ta bai risibí e chèns pa partisipá den e gameshow di TeleCuracao P’ami òf P’abo?. Pa partisipá ku UTS durante luna di yüni pa e kampaña aki ta masha fásil. Djis rekargá bo Chippie i pa kada Ang. 25,- bo ta risibí outomátikamente e chèns di partisipá den ‘P’ami òf P’abo’?.

Bo por rekargá bo Chippie riba tur e diferente maneranan ku tin pa rekargá ku ta entre otro via di karchi, bankomátiko, Útil, ‘online banking’, etc. i no nesesariamente mester ta den un biaha Ang. 25,-. E montante di rekargo por suma i bira Ang. 25,- tambe. Hasiendo esaki bo tambe por disfrutá di tur e bentahanan di Chippie i alabes risibí e chèns di partisipá den P’ami òf P’abo?
 
E di dos sorteo di e gameshow aki, kaminda UTS lo saka dos kliente di Chippie prepago komo partisipante, lo tuma lugá dia 26 di yüni 2009 na ofisina di UTS Rigelweg via tómbola digital i e promé ‘gameshow live’ lo ta 7 di yüli 2009 na TeleCuraçao.