UTS ta introdusí ‘Crazy Hours’ na su Sentronan di Kliente
Willemstad – 24 yüni 2009 UTS ta introdusí ‘Crazy Hours’ na su Sentronan di kliente tur luna te ku fin di aña 2009. Un konsepto nobo kaminda klientenan ku kumpra produktonan òf apliká pa servisionan di UTS lo risibí e chèns pa spin e ‘Crazy Wheel’ di UTS i asina gana premionan fabuloso tambe.
‘Crazy Hours’ lo bai tuma lugá tur delaster djabièrnè di luna te ku fin di 2009 i e promé ‘Crazy Hour’ lo tuma lugá djabièrnè awor, 26 di yüni 2009, entre 6’or pa 8’or di anochi na UTS Store, banda di Botika Novo.
‘Crazy Hours’ ta nifiká ku kada kliente ku kumpra un produkto òf apliká pa un servisio di UTS durante e orario ariba menshoná, lo bini na remarke pa spin e ‘Crazy Wheel’ di UTS i asina gana premionan instantáneo. E siguiente produkto òf servisionan ta bini na remarke pa kliente por haña e chèns pa ‘spin’ e ‘Crazy Wheel’:
- Apliká pa kualke pakete di ADSL òf 3G
- Apliká pa Chippie postpago
- Apliká pa Fixed postpago
- Apliká pa Telefasil
- Kumpra un Chippie prepago di ANG 150,- òf mas
Riba e ‘Crazy Wheel’ aki tin 30 premio, for di un Ipod Nano te ku krédito di Chippie i/òf Tilin, ku e kliente por gana instantáneamente.. Despues ku e kompra di e kliente a tuma lugá, e ta haña un ticket i ku e ticket aki e kliente ta bai pafó serka e persona pará banda di e ‘Crazy Wheel’ pa ‘spin’ esaki i gana premionan instantáneo.
Pues hasi bo kompra djabièrnè awor, 26 di yüni 2009, na UTS Store banda di Botika Novo riba Gosieweg entre 6’or i 8’or di anochi p’abo tambe por spin e ‘Crazy Wheel’ i gana un di tantísimo tremendo premionan ku UTS tin pa ofresébo instantáneamente.
Tur luna UTS lo anunsiá ta na kua Sentro di Kliente e siguiente ‘Crazy Hours’ lo tuma lugá i keda pendiente pa e ‘Crazy Wheel’ ekstraordinario den luna di desèmber!
